FW: Raam

From: Aparajita Tripathi
Sent: Saturday, May 23, 2009 21:40
To: Shrikant Sundaram
Cc: Aparajita Tripathi
Subject: Raam

Raam banwas se jab laut ke ghar aye
Yaad jangal bahut aaya jo nagar mein aye
Rakse deewangi angan mein jo dekha hoga
6 december ko Shri Raam ne socha hoga
Itane deewane kahan se mere ghar mein aye
Jagmagate the jahan ram ke kadmon ke nishan
Pyar ki kahkashan letee the angrayee jahan
Mod nafrat ke usee rahgujar mein aaye
Dharm kya unka, kya jaat hai, yeh janta kaun?
Ghar na jalta to unhe rat mein pehchanta kaun?
Jalatee mashaal liye jo log nazar aye
Shakahari hai mere dost tumhara khanjar
Tumne baabar ki aur phenke the saare patthar
Hai mere sar ki khata jo sar mein aye
Paanv sarju mein abhe raam ne dhoye bhee na the
Ki nazar aye vahan khoon ke gahare dhabbe
Paanv dhoye bina sarju ke kinare se uthe
Raam ye kehte huye apne duyare se uthe
Rajdhani ki fijaa aayee nahin raas mujhe
6 december ko mila dusra banwas mujhe ( Late Kaifi Azmi)